HER-ALD:
Cartlanna, Litríocht agus
Doiciméid a bhaineann le mná

In 2016 reáchtáil Accenture feachtas dar theideal Women on Walls i gcomhar le hAcadamh Ríoga na hÉireann. Is éard b’aidhm leis an bhfeachtas ná ceannairí mná a dhéanamh infheicthe trí shraith portráidí coimisiúnaithe agus, ar an gcaoi sin, oidhreacht bhuan a fhágáil d’Éirinn. Toisc gur éirigh chomh maith sin leis an bhfeachtas, tá sé i gceist anois ag Leabharlann Acadamh Ríoga na hÉireann seimineár lae a eagrú d’fhonn eolaithe, scoláirí, údair agus daoine eile ar mná Éireannacha iad a dhéanamh níos infheicthe agus, chuige sin, tabharfar le chéile cartlannaithe, leabharlannaithe, staraithe agus páirtithe leasmhara eile le bailiúcháin chartlainne a bhaineann le mná a aimsiú, a phlé agus a scaipeadh.

Beidh tarraingt uilíoch ar HER-ald: cartlanna, litríocht agus doiciméid a bhaineann le mná ag cartlanna anseo in Éirinn agus níos faide i gcéin ar mian leo na róil a bhí ag mná i ngach gné den saol san am atá thart a chur chun cinn, chomh maith leis na róil a bheidh acu amach anseo. Is aidhm le HER-ald casadh eile a chur ar ar baineadh amach san fheachtas Women on Walls, comhoibriú a chothú agus cartlanna éagsúla náisiúnta, áitiúla agus acadúla a thabhairt le chéile le hiarraidh orthu breathnú ina gcroí féin le teacht ar na mná seo i ngan fhios. Bhí an seimineár “HER-ald: cartlanna, litríocht agus doiciméid a bhaineann le mná” ar siúl in Acadamh Ríoga na hÉireann Déardaoin, an 14 Nollaig 2023. Oiriúnach go leor, ar an lá céanna 105 bliain roimhe sin fuair mná Éireannacha a raibh 30 bliain d’aois slánaithe acu an ceart chun vótáil san olltoghchán den chéad uair.

Meadhbh Murphy