Slat Tomhais
Mná100, Eipeasóid a Dó

Mná100, Eipeasóid a Dó

Déantar gné de shaol Constance de Markievicz nach bhfuil a fhios ag mórán fúithi a scrúdú sa chlár seo, a cáil mar ealaíontóir, aisteoir, drámadóir, file agus cumadóir amhrán.  Is iad a cumais ealaíne a bheidh mar chúlra le comhrá le triúr ealaíontóirí comhaimseartha Éireannacha, a dtugann a gcleachtas an léargas is fearr ar na disciplíní sin sa lá atá inniu ann.  Déanann siad machnamh ar Markievicz mar ‘Shlat tomhais’- idir an am atá caite agus an am i láthair.

Bronnadh an Duais-sparánacht Markievicz, i gcomhar leis an gComhairle Ealaíon, ar an triúr Ealaíontóirí atá i gceist; an File Annemarie Ní Churreáin, buaiteoir na duaise sa bhliain 2019, a scríobh Bloodroot agus cuid den togra filíochta i gcomhar, (S)worn State(s), an Scríbhneoir Joanna Walsh, buaiteoir na duaise sa bhliain 2020, a dtagann a saothar faoi anáil foirmeacha eile ealaíne mar is léir óna nóibhille dhigiteach, Seed, agus an tAisteoir, Stiúrthóir agus Scríbhneoir Barbara Bergin, ar bronnadh an duais uirthi sa bhliain 2021, a bhfuil The Van, Intermission, Love is a Drug (a scríobh sí i gcomhar) agus On the Couch (a chruthaigh sí, a stiúir sí agus a scríobh sí i gcomhar) i measc a cuid creidiúintí aisteoireachta.

Is tionscnamh nua ban é Mná100, don chéim dheiridh de Chlár Dheich mBliana na gCuimhneachán agus leanann den obair chun béim a leagan ar ról na mban le linn ré na réabhlóidí in Éirinn. Téigh chuig  www.mna100.ie chun tuilleadh a fháil amach.

Gailearaí Constance de Markievicz